മിഴിതൂവലില് ഓര്മ്മകള് ബാക്കിയാക്കി സഞ്ജയ് യാത്രയായി .... ശാന്തമായ ചിരിമാത്രം സമ്മാനിക്കുന്ന ഈ സുഹൃത്തിന്റെ ഓര്മ്മകള്, വേട്ടയാടപ്പെടുന്ന വിധി എന്ന നടന് ഇടക്ക് വെച്ചു തെറ്റിക്കുന്ന അഭിനയം പോലെ , റീ ടേക്ക് ഇല്ലാത്ത ഷോട്ട് പോലെ അവസാനിച്ചിരിക്കുന്നു .മിഴികള് തൂവാതെ കഴിഞ്ഞ ദിവസങ്ങളില് ആശുപത്രിയുടെ വരാന്തയില് അസ്വസ്ഥമായ ഒരു കൂട്ടം സുഹൃത്തുക്കള് ഒരുമിച്ചു പ്രാര്ഥിച്ചു ..പക്ഷെ പടച്ചോന് സ്വിച്ച് ഓഫ് ആയിരുന്നു ...അല്ലെങ്കിലും മൂപ്പരങ്ങനെ അല്ലെ ....ആര്ക്കും വേണ്ടാത്തവരെ ഭൂമിയില് വെച്ചും എല്ലാര്ക്കും വേണ്ടവരെ വേഗം വിളിച്ചും അനുസരണ ഇല്ലാത്ത കൊച്ചു കുട്ടിയുടെ കളി കളിക്കുന്ന പടച്ചോന് .കാലം ബാക്കി വച്ച ഒരു എന്സൈക്ക്ലോപീഡിയ കൂടി കാലയവനികയ്ക്കുള്ളില് മറയുന്നു . എഴുതാന് ബാക്കിവച്ച മഷിതീരാത്ത പേനയുടെ മുന്നില് ഈ പ്രിയ സുഹൃത്തിനെ സമരിച്ചു കൊള്ളട്ടെ . ഡിസംബര് അങ്ങിനെയാണ് ....ആഘോഷിക്കാന് മാത്രമുള്ള പുതുവത്സരം കണ്ണീര്കടലില് ആഴ്ത്തിയ ഈ ദിവസം എങ്ങനെ മറക്കാന് പ്രിയ സുഹൃത്തേ ..... ഹൃദയം നിലച്ച ഒരുകൂട്ടം സുഹൃത്തുക്കളുടെ കണ്ണീര് പ്രണാമം ...സഞ്ജയ് താങ്കള് ഈ ഡിസംബറിന്റെ നഷ്ട്ടമാണ് .... ഒരിക്കലും തിരിച്ചെടുക്കാന് പറ്റാത്ത നഷ്ട്ടം
-മോനുക്കുട്ടാപ്പി
No comments:
Post a Comment